სკარლეტ იოჰანსონს საპატიო "ცეზარს" გადასცემენ

ცნობილი მსახიობი სკარლეტ იოჰანსონი საფრანგეთის კინოაკადემიის საპატიო პრემია "ცეზარს" მიიღებს. ამის შესახებ Variety წერს.

ბოლო წლებში საპატიო "ცეზარი" გადაეცათ ისეთ მსახიობებს, როგორიცაა დასტინ ჰოფმანი, კეიტ უინსლეტი და კევინ კოსტნერი. 29 წლის იოჰანსონი ამ ჯილდოს მფლობელი ყველაზე ახალგაზრდა მსახიობი იქნება.

საზეიმო ცერემონია, ტრადიციულად, პარიზის მუსიკალურ თეატრში 28 თებერვალს გაიმართება.

"ცეზარის" პრემია 1976 წლიდან გაიცემა.