ევროკავშირმა შესაძლოა, უკრაინის ხელისუფლების წინააღმდეგ სანქციები გამოიყენოს

ევროკავშირმა შესაძლოა, უკრაინის ხელისუფლების წინააღმდეგ სანქციები გამოიყენოს. როგორც შვედეთის საგარეო საქმეთა მინისტრი კარლ ბილდტი "ტვიტერში" საკუთარ გვერდზე წერს, "ევროკავშირი თავს არ შეიკავებს იმ პირების წინააღმდეგ სანქციების გამოყენებისგან, რომლებიც უკრაინაში რეპრესიებსა და ძალადობასთან ასოცირდებიან".

გარდა ამისა, რამდენიმე წუთის წინ უკრაინულმა მედიამ საკუთარ წყაროებზე დაყრდნობით გაავრცელა ინფორმაცია, რომ უკრაინის პრეზიდენტსა და აშშ-ის ვიცე-პრეზიდენტ ჯოზეფ ბაიდენს შორის სატელეფონო საუბარი შედგა. თუმცა, მოჰყვება თუ არა კონკრეტული შედეგი ამ სატელეფონო საუბარს, ამ ეტაპზე უცნობია.