ყირიმის ხელისუფლებამ უკრაინის საზენიტო-სარაკეტო პოლკისგან იარაღის დაყრა მოითხოვა

ყირიმში, რუსმა სამხედროებმა დამბა დანაღმეს, რომელიც დასახლებულ პუნქტ რიუმშინოსთან მდებარეობს.

"უკრაინსკაია პრავდას" ცნობით, ამის შესახებ ინფორმაციას უკრაინის სამხედრო-პოლიტიკური კვლევების ცენტრის ხელმძღვანელი დიმიტრი ტიმჩუკი აქვეყნებს.

მისი ინფორმაციით, დღეს დილით, ყირიმის თვითგამოცხადებული ხელისუფლების წარმომადგენლებმა ევპატორიის საზენიტო-სარაკეტო პოლკს ულტიმატუმი წაუყენეს, რომ 20:00 საათამდე უკრაინელმა სამხედროებმა იარაღი უნდა დაყარონ. წინააღმდეგ შემთხვევაში, სამხედრო ნაწილში შეჭრით იმუქრებიან.

გარდა ამისა, ტიმჩუკი აცხადებს, რომ სამხედრო ნაწილთან ახლოს რუსი ჯარისკაცები იმყოფებიან, რომლებიც უკრაინელების წინააღმდეგობის შემთხვევაში ძალას გამოიყენებენ.

მომზადებულია www.pravda.com.ua-ს მიხედვით.