მინსკი კრემლის ერთგული რჩება

უკრაინაში მიმდინარე მოვლენებთან დაკავშირებით, ბელორუსი და მისი პრეზიდენტი კრემლის ერთგულნი რჩებიან. უსაფრთხოების საბჭოს მორიგ სხდომაზე, ქვეყნის პრეზიდენტმა ალექსანდრ ლუკაშენკომ რუსეთს საკუთარ ტერიტორიაზე 15-მდე სამხედრო თვითმფრინავის განთავსება შესთავაზა.

"ბელორუსი არსებულ ვითარებას აღითქვამს და ქვეყნის საზღვრებთან NATO-ს ძალების მომრავლებას შესაბამის და ადეკვატურ პასუხს გასცემს", - განაცხადა ლუკაშენკომ.

პრეზიდენტის განმარტებით, რუსეთთან ორმხრივი ხელშეკრულების საფუძველზე, მან მოსკოვს ჯარების ერთობლივი დაჯგუფების გაძლიერება შესთავაზა. კერძოდ, საუბარია ავიციაზე.

"თუ პოლონეთსა და ბალტიისპირეთში დასავლეთმა 15 სამხედრო თვითმფრინავი გადმოისროლა, ვფიქრობ რუსეთის გენ-შტაბის ხელმძღვანელობას უნდა დავუკავშირდეთ და მათ მოკავშირული შეთანხმების ფარგლებში, ჩვენს ქვეყანაში 12-15 თვითმფრინავის განთავსება შევთავაზოთ. ისინი ბელორუსის საჰაერო სივრცეში, პატრულირების მიზნით იფრენენ", - განმარტა ლუკაშენკომ. მისი აზრით, ქვეყანა ვალდებულია იმოქმედოს და საკუთარი ინტერესები დაიცვას.

მოამზადა ნუკრი მგელაძემ topwar.ru-ის მიხედვით.