ივლისის ასტროლოგიური პროგნოზი ლომებისთვის - რას უმზადებს მომდევნო თვე ზოდიაქოს ორივე სქესის წარმომადგენლებს

საკუთარ თავს მოდუნებისა და დასვენების შესაძლებლობა მიეცით. სასურველია, შვებულება აიღოთ და ქალაქგარეთ გაემგზავროთ. ყველა მნიშვნელოვანი გეგმა და იდეის განხორციელება კარგი პერიოდის დადგომისთვის (აგვისტო-სექტემბრისთვის) გადადეთ. კარგ შედეგს მოგიტანთ ქველმოქმედება. ივლისში, სხვა პერიოდისგან განსხვავებით, მძაფრად აღიქვამთ სხვის გაჭირვებას. ამ პერიოდში ნუ ელით კარიერაში ცვლილებებს. დააკვირდით თქვენ გარშემო მომხდარ ფაქტებს, მოვლენებს, გამოიტანეთ ობიექტური დასკვნები.

• სწავლა, ბიზნესი, კონტაქტები

პარტნიორებთან საუბრისას ყურადღება მიაქციეთ არა სიტყვებს, არამედ ინტონაციას. შეიძლება არასწორად გაიგოთ მოსაუბრის ნათქვამი, პედაგოგის ახსნილი მასალა. იყავით დაკვირვებული დოკუმენტებზე მუშაობისას. ივლისში არ გირჩევთ ახალი ბიზნესის დაწყებას, მოლაპარაკებების გამართვას. მოერიდეთ გადაუმოწმებელი ინფორმაციის გავრცელებას. თუ ამ პერიოდში ღირებული იდეები გაგიჩნდებათ, არ გაუმხილოთ გარშემო მყოფებს.

• ფული და სიყვარული

რომანტიკული ნაცნობობა მოსალოდნელია ან ინტერნეტით, ან კუროტზე, დასვენებს დროს. ზოგიერთი ნაცნობობა შეიძლება ხანგრძლივ ურთიერთობაში გადაიზარდოს. სხვათა შორის, ახალ ნაცნობებს სწრაფად გააბამთ ხოლმე. ფლირტი და სეირნობა განწყობას გაგიუმჯობესებთ. დაქორწინებულებმა მეუღლესთან ერთად ხშირად ისეირნეთ სუფთა ჰაერზე. ოჯახით მოინახულეთ ნათესავები. თქვენი ფინანსური მდგომარეობა არასტაბილურია. ამიტომ, ძვირად ღირებული ნივთების შეძენას არ გირჩვეთ. აგრეთვე, არ გირჩევთ კრედიტისა და ვალების აღებას.

• ჯანმრთელობა

მთელი თვე ფილოსოფოსობისა და მოგზაურობის განწყობაზე იქნებით. ახლო მანძილზე, თუნდაც აგარაკზე გამგზავრება, სასარგებლოდ წაგადგებათ. შეგიძლიათ საქართველოს ტერიტორიაზე ერთდღიან ექსკურსიებზეც გაემგზავროთ. გადაღლილობისგან შეიძლება გაგიხშირდეთ კუნთების ტკივილი. მოსალოდელია ტრავმებიც. განსაკუთრებულ ყურადღებას ითხოვს მენჯ-ბარძაყის ზონა.

• ქალებისთვის

ივლისში მხოლოდ საკუთარი კი არა, ახლობლების პრობლემებიც თქვენი მოსაგვარებელი გახდება. დაკავდით საორგანიზაციო საკითხებით. არ გირჩევთ ძვირად ღირებული სამკაულებისა და სამოსის შეძენას. თვის მეორე ნახევარი რომანტიკული შეხვედრებით, პაემნებით იქნება აღსავსე. ამავე პერიოდში გელით სიურპრიზები და სიყვარულში გამოტყდომა.

• მამაკაცებისთვის

მოვლენები შეიძლება ისე სწრაფად არ განვითარდეს, როგორც გსურთ. შეიძლება შეფერხდეს ან შეჩერდეს ზოგიერთი პროექტი; გადაიდოს საქმიანი შეხვედრა. გაფრთხილდით, არ დაუშვათ საქმეებში შეცდომები. მოერიდეთ ფულის დაბანდებას საეჭვო საქმეებში, დაუფიქრებელ ხარჯს. თვის მეორე ნახევარში მოსალოდნელია მოულოდნელი, ვერ ვიტყვით, რომ თქვენთვის სასიამოვნო, ვიზიტები.