ივლისის ასტროლოგიური პროგნოზი მორიელებისთვის

განსაკუთრებით მომთხოვნი ხართ გარშემო მყოფების მიმართ და ეცადეთ, საკუთარ თავსაც მოსთხოვოთ. გაფრთხილდით, ბუნებრივი ფეთქებადი ხასიათის გამო, არ გაგიფუჭდეთ დამოკიდებულება ახლობლებთან. ეცადეთ, აკონტროლოთ ემოციები. დაისახეთ მიზანი, რომელსაც განახორციელებთ. ზოგიერთი უმაღლესში გადაწყვეტს სწავლის გაგრძელებას. ზოგიერთს დროის უმეტესი ნაწილის ოჯახში, მშობლების გვერდით გატარება მოუნდება. ზოგიერთი საჭირო ადამიანებს გაიცნობს.

• სწავლა, ბიზნესი, კონტაქტები

ახალი საქმეები, სწავლა და ყველა სიახლე თვის მეორე ნახევარში დაიწყეთ. მანამდე დაასრულეთ ძველი პროექტები, გაერკვიეთ თქვენთვის რთულ და საეჭვო საკითხებში და არსებულ საქმიან პარტნიორებთან კავშირებში. ზოგიერთმა შეიძლება ბიზნესის გაფართოება და მისი საზღვარგარეთ დაწყება გადაწყვიტოს. გააუმჯობესეთ დამოკიდებულება უცხოელ პარტნიორებთან. შეიძლება ფინანსური დახმარება მიიღოთ საზღვარგარეთ მცხოვრები ნათესავებისგან. გახშირდება მათთან მიმოწერა. ზოგიერთი კი შეიძლება კვალიფიკაციის ასამაღლებლად გაემგზავროს საზღვარგარეთ. მოერიდეთ რელიგიურ და ფილოსოფიურ საკითხებზე კამათს გარშემო მყოფებთან.

• ფული და სიყვარული

პირად ცხოვრებაში მნიშვნელოვანი მოვლენები გელით. ზოგმა შეიძლება მოულოდნელად გაწყვიტოს კავშირი პარტნიორთან ან ასევე მოულოდნელად დაქორწინეს. მარტოხლებს კი რომანტიკული ნაცნობობა ელით, რომელიც დაუვიწყარი გახდება თქვენს ცხოვრებაში. სხვათა შორის, ივლისი ის თვეა, როცა საწინააღმდეგო სქესის წარმომადგენლებთან ნაცნობობას მალე გააბამთ და მალევე გადაზრდით ფლირტში. ზოგიერთმა შეიძლება მემკვიდრეობა მიიღოს. ან ფული დააბანდოს სარფიან საქმეში.

• ჯანმრთელობა

მაქსიმალურად უნდა მოინდომოთ, რომ გაიუმჯობესოთ ჯანმრთელობა. აიყვანეთ საკუთარი თავი ხელში და დაიწყეთ ვარჯიში. იყავით აქტიური: ფიტნესი, ცურვა, ცეკვა. თუ გსურდათ, გათავისუფლებულიყავით მავნე ჩვევებისგან, ეს საუკეთესო თვეა. გირჩევთ, ჩაიტაროთ სამედიცინო გამოკვლევა.

• ქალებისთვის

საქმეების პარალელურად შეხვდით მეგობრებს, მოაწყვეთ ოჯახური დღესასწაულები. ფინანსური საკითხები საქმიან პარტნიორებთან ერთად განიხილეთ. დაუგდეთ ყური გარშემო მყოფების რჩევებს, თუმცა, გადაწყვეტილება ინტუიციაზე დაყრდნობით მიიღეთ. ზოგიერთმა შეიძლება შემოქმედებითი იდეები განახორციელოს.

• მამაკაცებისთვის

რთული საქმეების მოგვარების თვეა. ვერ გეტყვით, რომ მარტივად გაუმკლავდებით საქმეებს, მაგრამ დაძლევთ. მთავარია, აკონტროლოთ ემოციები. სიფრთხილე გმართებთ ფინანსებთან მიმართებაში. ნუ შეიძენთ დაუფიქრებელად ნივთებს, შეამცირეთ ხარჯი. გაგიჩნდებათ საინტერესო იდეები, პროფესიული გეგმები. იყავით მზად სიახლისთვის, ახლის სწავლისთვის, დააკვირდით სხვის საქმიანობას. რჩევა ჰკითხეთ მათ, ვინც თქვენზე მეტი იცის.