ივლისის ასტროლოგიური პროგნოზი მშვილდოსნებისთვის - რა ელით "მეისრე" ქალებსა და მამაკაცებს

ივლისში თქვენთვის აქტუალური გახდება მემკვიდრეობის, ექსტრემალური გასართობისა და სხვისი ფულის თემა. ვარსკვლავები გაფრთხილებენ, რომ მოსალოდნელია გარკვეული ცვლილებები, რაც თქვენგან მაქსიმალურ დაკვირვებას მოითხოვს. ეს პირველ რიგში ფინანსებს ეხება. ზოგიერთმა ფული შეიძლება მიიღოს ნათესავებისგან ან საქმიანი პარტნიორებისგან, მაგრამ ეს თანხა გონივრულად უნდა განკარგოთ. შინაგანი დაძაბულობის გამო შეიძლება საქმეები იმაზე რთულად მოგეჩვენოთ, ვიდრე სინამდვილეშია. დამშვიდდით, გაანალიზეთ მოვლენები და ყველაფერს მარტივად გაუმკლავდებით.

• სწავლა, ბიზნესი, კონტაქტები

გააქტიურდით, ივლისში შანსი მოგეცემათ, "მკვდარი წერტილიდან" დაძრათ პროექტები. ყურადღებით მოაგვარეთ ფინანსური, დაზღვევის თემები. მემკვიდრეობაში მოწილეებთან ურთიერთობა დიპლომატიურად გაარკვიეთ. ეცადეთ, თავადაც სწორად გაიგოთ რასაც გეუბნებიან და თავადაც სხვებისთვის გასარკვევად ისაუბროთ. ზოგიერთმა შეიძლება საიდუმლო ინფორმაცია მოიპოვოთ. ან გაიგოთ, რომ თქვენს მოტყუებას აპირებდნენ.

• ფული და სიყვარული

პარტნიორობა და სიყვარული აგრეთვე აქტუალური საკითხები იქნება ივლისში. შეიძლება ახალი ადამიანი შემოვიდეს თქვენს ცხოვრებაში და მეგობრობა სიყვარულში გადაიზარდოს. მარტოხელებს რომანტიკული ნაცნობობა ელით. ზოგიერთი შეიძლება თქვენთვის იღბლიანად დაგვირგვინდეს. ერთი სიტყვით, ივლისის ბოლოს, ან ნიშნობას გამოაცხადებთ, ან დაქორწინების გადაწყვეტილებას მიიღებთ. დაქორწინებულებმა აიღეთ შვებულება და რომანტიკულად გაატარეთ. გაგიუმჯობესდებათ მატერიალური მდგომარეობა. წინა თვესთან შედარებით მეტ ფულს მიიღებთ.

• ჯანმრთელობა

გართობის, მხიარულების, სექსის განწყობაზე იქნებით. მოიმატებს აზარტულობა და გამარჯვების ჟინი ნებისმიერ გასართობში. გირჩევთ, ყურადღება გამოიჩინოთ კვების მიმართ. ალერგიის თავიდან აცილების მიზნით, მოერიდეთ ეგზოტიკური კერძების დაგემოვნებას. აგრეთვე, გახსოვდეთ, რომ გასტრიტი და კუჭ-ნაწლავის გაღიზიანება სიკეთეს არ მოგიტანთ. შეგახსენებთ, რომ ყურადღება უნდა მიაქციოთ ბავშვებს.

• ქალებისთვის

ენერგიული და მიმზანმიმართული ხართ. მთავარია, დაკვირვებულად იმოქმედოთ და აჩქარებით არაფერი გააფუჭოთ. შეიძლება ხანდახან მოგეჩვენოთ, რომ სხვას უფრო საინტერესო ცხოვრება აქვს, ან თქვენზე მარტივი პრობლემები. კარგ შედეგს მოგიტანთ ფიზიკური აქტიურობა, ვარჯიში სუფთა ჰაერზე. რაც უფრო დიდხანს იჯდებით გულხელდაკრეფილი, მით მეტად გაგიფუჭდებათ განწყობა.

• მამაკაცებისთვის

კარგს შედეგებს მიაღწევთ, თუ გამოცდილი მეთოდებით იმოქმედებთ. იქნებით დიპლომატიური და დაკვირვებული დეტალებისადმი. მოერიდეთ სარისკო ქმედებებს, ექსპერიმენტებს. შეიძლება გაგიჩნდეთ საინტერესო იდეები, გეგმები, მაგრამ მათ განხორციელებას ნუ ააჩქარებთ. მთავარია, დაასრულოთ უკვე დაწყებული საქმეები. კარგ თანხას მიიღებთ და ვალების აღება აღარ დაგჭირდებათ. თუმცა, არ გირჩევთ ფულის ფლანგვას. ივლისის ბოლოს საინტერესო ნაცნობობა შეიძლება რომანტიკულ ურთიერთობაში გადაიზარდოს.