შს მინისტრი და თბილისის მერი ე.წ. კონტრაქციაზე მივიდნენ

ამ წუთებში შს მინისტრი და თბილისის მერი კახა კალაძე ე.წ. კონტრაქციაზე მივიდნენ. ისინი სანდრო ბრეგაძეს და „ქართული მარშის“ სხვა ლიდერებს ხვდებიან. კონტრაქციის მონაწილეები მათ დახვდნენ შეძახილებით: "სირცხვილი, სირცხვილი".

მანამდე გიორგი გახარია "თეთრი ხმაურის მოძრაობის" წარმომადგენლებს შეხვდა. შეხვედრის შემდეგ გადაწყდა, რომ მოძრაობის მიერ ორგანიზებული აქცია ერთი კვირით შეწყდა.

როგორც შეხვედრის შემდეგ ბექა წიქარიშვილმა აღნიშნა, მათ შინაგან საქმეთა მინისტრს დანაპირების შესასრულებლად ერთკვირიანი ვადა მისცეს. მისი თქმით, ერთი კვირის განმავლობაში დააკვირდებიან, როგორ წავა პროცესები, შაბათს კი გაიმართება ორგანიზებული და უფრო დიდი აქცია.