გიორგი კვირიკაშვილისა და ზაზა სარალიძის შეხვედრა აქციაზე (ფოტო)

საქართველოს პრემიერ-მინისტრის "ფეისბუქის" გვერდზე გიორგი კვირიკაშვილისა და ზაზა სარალიძის აქციაზე შეხვედრის ამსახველი ფოტოები ვრცელდება.

პრემიერ-მინისტრი პარლამენტთან მიმდინარე აქციაზე მივიდა, თუმცა აქციის მონაწილეებმა მას სიტყვით გამოსვლის საშუალება არ მისცეს და ბოთლები ესროლეს. ამის შემდეგ გიორგი კვირიკაშილმა მთავრობის ადმინისტრაციაში საგანგებო განცხადება გააკეთა.

"ჩვენი ხელისუფლება არის ხალხის მიერ არჩეული ხელისუფლება. მე ყოველთვის ვიდექი და ვარ ჩემი ხალხის გვერდით და არასოდეს მოვრიდებივარ ხალთან პირდაპირ კომუნიკაციას, ამის გამო გადავწყვიტე მივსულიყავი აქციის მონაწილეებთან, პირველ რიგში, მოვსულიყავი მოკლული ბავშვის მამასთან. გავაკეთე ეს, მიუხედავად იმისა, რომ ყველა მეუბნებოდა და ვიცოდი, პროვოკაციები იყო მოსალოდნელი. ყველამ ნახა, რომ ჩემი მისვლა იქ მყოფების უმრავლესობამ პოზიტიურად მიიღო, მაგრამ პოლიტიკურად ანგაჟირებული ადამიანების მცირე ჯგუფმა არ მომცა საშუალება გამეკეთებინა განცხადება, რაც მდგომარეობს შემდეგში, რომ ხვალ დილიდან შინაგან საქმეთა სამინისტრო დაიბრუნებს საქმეს პროკურატურისგან და ვიცე-პრემიერი გიორგი გახარია იქნება ამ გამოძიების პროცესის ხელმძრვანელი. მე პირადად გავაკონტროლებ პროცესს" - აღნიშნა პრემიერმა.