პრინცმა ხუანმა და მოდელმა ქრისტინე ძიძიგურმა ჯვარი დაიწერეს - ფოტოები ქართული სამეფო ქორწილიდან

ესპანეთში მცხოვრებ ბაგრატიონთა შტოს წარმომადგენელმა პრინცმა ხუან იოანე ბაგრატიონმა და მოდელმა ქრისტინე ძიძიგურმა ჯვარი დაიწერეს. ჯვრისწერა მცხეთაში, სვეტიცხოვლის ტაძარში შედგა. ამის შემდეგ კი სტუმრებს საზეიმო ვახშამზე მცხეთაში, შატო მუხრანში უმასპინძლებენ.

ჯვრისწერის წინა საღამოს, გუშინ შატო მუხრანში გალა საღამო გაიმართა. სამეფო წყვილმა სტუმრები წითელ ხალიჩაზე მიიღო.

ქართველი პრინცი და ცნობილი მოდელი ოთხი წელია ერთად არიან. სამოქალაქო ქორწილი მათ ესპანეთში ქალაქ რონდაში გადაიხადეს. მაშინ წყვილმა ოჯახის წევრები და ახლო მეგობრები რონდას ვილაზე შეკრიბა. ქრისტინე ძიძიგურს ხელისმომკიდედ მისი ფრანგი მეგობარი სენდი ტრებუილი ჰყავდა. ხუანმა ხელისმომკიდედ ბავშვობის მეგობარი მადრიდიდან გონფალო სალგადო ასენსიო აირჩია. ქორწილში პატარძალს კრისტიან დიორის თეთრი კაბა, ხოლო ხუანს არმანის სამეული ეცვა.

ფოტო: თამარ ბოჭორიშვილი