"ტურისტები კახეთის დასათვალიერებლად მოდიოდნენ" - ახალი დეტალები გომბორზე მომხდარ ავტოსაგზაო შემთხვევაზე

გომბორზე მომხდარი ავარიის შედეგად დაშავებულთა რაოდენობა გაიზარდა. როგორც Ambebi.ge-სთან საუბრისას თელავის მუნიციპალიტეტის მერის მოადგილემ განაცხადა, ამ დროისთვის 20-მდე ტურისტი თელავში ორ საავადმყოფოშია გადანაწილებული და მათი ჯანმრთელობის მდგომარეობა საშუალო სიმძიმის არის.

"არც ერთი ტურისტის სიცოცხლეს საფრთხე არ ემუქრება. არიან ბელორუსიის მოქალაქები და კახეთის დასათვალიერებლად მოდიოდნენ. ამ კონკრეტულ შემთხვევაში რა მოხდა, არ ვიცი, თუმცა სამწუხაროა, რომ მძღოლები ხშირად არ ითვალისწინებენ გომბორის გზის საფრთხეებს და საგზაო ნიშნებს არ ემორჩილებიან", - აღნიშნა აკა საჩიშვილმა.

გომბორის გზაზე, სოფელ თეთრწყლებთან "სუზუკის" მარკის ავტობუსი იმ ადგილას ამობრუნდა, სადაც რამდენიმე კვირის წინ, ყვარლისკენ ექსკურსიაზე მიმავალი მიკროავტობუის გადავარდა.მომხდარზე გამოძიება 276-ე მუხლით მიმდინარეობს.

ნახეთ ვიდეო: მძიმე ავარია გომბორზე - მიკროავტობუსი, სადაც რუსი ტურისტები ისხდნენ, ამოყირავდა