ავტორი:

"მამაც ადრეულ ასაკში გულით გარდაცვლილა..." - ახლობლების ვარაუდით, ზუზუ ბეჟაშვილის სიკვდილის მიზეზი შესაძლოა, ინფარქტი იყოს

"მამაც ადრეულ ასაკში გულით გარდაცვლილა..." - ახლობლების ვარაუდით, ზუზუ ბეჟაშვილის სიკვდილის მიზეზი შესაძლოა, ინფარქტი იყოს

კომპოზიტორ მაია კაჭკაჭიშვილის ვარაუდით, შესაძლოა, მსახიობი ზაზა (ზუზუ) ბეჟაშვილი გულთან დაკავშირებული პრობლემით, კერძოდ, ინფარქტით იყოს გარდაცვლილი. ამის შესახებ მაია კაჭკაჭიშვილმა ჟურნალისტებს ზაზა ბეჟაშვილის საცხოვრებელ კორპუსთან განუცხადა, სადაც ცოტა ხანში გარდაცვლილის ცხედრის მისვენებას ელოდებიან.

“გუშინ ვიყავი იქ, სადაც გარდაიცვალა, მაგრამ იქ რა თქმა უნდა, ვერაფერი შევიტყეთ, კრიმინალური სამსახური მუშაობდა. ახლა მოვედი სახლში, რაღაც ვერსიები არსებობს, რომ ბოლო პერიოდში ჯანმრთელობის მდგომარეობა ჰქონდა ძალიან გაუარესებული, მისი მამაც ადრეულ ასაკში გულით გარდაცვლილა და დიდი შანსია, რომ იყოს გულის პრობლემა. არ ვიცი, ნამდვილად, რაღაცის დამტკიცებას ვერ შევძლებ, ველოდებით ექსპერტიზას, მაგრამ დიდი ალბათობაა, რომ იყოს ინფარქტი”,- განაცხადა მაია კაჭკაჭიშვილმა.

მსახიობი ზაზა (ზუზუ) ბეჟაშვილი დოლიძის ქუჩაზე, საცხოვრებელი სადარბაზოს ლიფტში გარდაცვლილი იპოვეს. საქმეზე შინაგან საქმეთა სამინისტრომ გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს. სხვა დეტალები ჯერჯერობით უცნობია.

"ბავშვის დედა კართან მუხლებზე მდგომი დამხვდა, სიტყვებს თავს ვერ უყრიდა" - სცენიდან ომში და ომიდან სამაშველო სამსახურში წასული ბიჭის ამბავი

"ბავშვის ოპერაცია 300 000 ევრო ჯდება და სანამ თანხას არ გადავურიცხავთ, არაფერს უკეთებენ" - პატარა ანიტას დახმარება სჭირდება

"ვაჟა გაფრინდაშვილი მონაწილეობდა 2008 წლის აგვისტოს მოვლენებში, როგორც ექიმი" - ე.წ.სამხრეთ ოსეთის დე ფაქტო КГБ