ვინ არიან და რას საქმიანობენ სალომე ზურაბიშვილის შვილები
"ქართული ოცნების" მხარდაჭერილმა საპრეზიდენტო კანდიდატმა, სალომე ზურაბიშვილმა წინასაარჩევნო კამპანიის შემაჯამებელი შეხვედრა გამართა, რომელსაც საქართველოს ხელისუფლების პირველი პირები, მათ შორის ბიძინა ივანიშვილი ესწრებოდა. შეხვედრაზე ასევე საზოგადოებისთვის ცნობილი სახეები იმყოფებოდნენ. მათ შორის, ბადრი პატარკაციშვილის ოჯახის წევრები - გარდაცვლილი ბიზნესმენის და მზია თორთლაძე და შვილიშვილი ლიზი მაღრაძე, ჯამლეტ ხუხაშვილი, ხათუნა ჟორდანია, მომღერლები - მარიკა თხელიძე, თიკა ჯამბურია, აჩიკო მეფარიძე, რომა რცხილაძე, "პანჩო", "ქუჩის ბიჭები", "ალილო", "თეატრალური კვარტეტი" და სხვები.
სპორტის სასახლები იმყოფებოდნენ ასევე საპრეზიდენტო კანდიდატის შვილები თემურ და ქეთევან გორჯესტანები.
"მე და ქეთევანი ჩამოვედით პარიზიდან და ლონდონიდან ამ კვირას, ეს იმიტომ, რომ ჩვენთვის განსაკუთრებული მომენტია. კანდიდატი, რომელსაც ქალბატონი სალომეთი მიმართავთ და რომელიც ალბათ, კვირას ქალბატონი პრეზიდენტი იქნება, ჩვენთვის ყოველთვის დარჩება უბრალოდ დედად. ეს მიმართვა - "დედა" არის სიმბოლო, რადგან ეს სიტყვა ჩვენთვის იყო კავშირი ამ შორეულ საქართველოსთან." - აღნიშნა თემურ გორჯესტანმა სიტყვით გამოსვლისას განაცხადა.
ვინ არიან და რას საქმიანობენ სალომე ზურაბიშვილის შვილები - როგორც ცნობილია, ქეთევანი და თემური საფრანგეთში, პარიზში გაიზარდნენ. იქ, სადაც დაიბადა და გაიზარდა მათი დედა, ქართველი ემიგრანტების ოჯახში. ისინი ქართულად გამართულად საუბრობენ.
ქეთევან გორჯესტანი ფრანგული ტელეკომპანიის, France 24-ის ჟურნალისტია. ის რეპორტიორი და სპორტული რედაქტორია, ფრანგულ და ინგლისურ ენებზე აკეთებს სიუჟეტებს, ასევე, უძღვება გადაცემებს. ქეთევანი დედის წინასაარჩევნო კამპანიაში აქტიურად იყო ჩართული.
ფოტო: სალომე ზურაბიშვილის ამომრჩეველთან გამართული ერთ-ერთი შეხვედრიდან
რაც შეეხება თემურს, იგი დიპლომატიურ გზას გაჰყვა. ის ნიუ-იორკში ცხოვრობს და გაეროს მისიაში მუშაობს. თემურ გორჯესტანი რამდენიმე თვის წინ დაოჯახდა. წყვილმა ჯვარი ყაზბეგში, გერგეტზე დაიწერა. მათ პარიზელმა და ქართველმა მამაოებმა დაწერეს ჯვარი... თემურ გორჯესტანის რჩეული ფრანგი გოგონაა. ქორწილს უამრავი ფრანგი სტუმარი და ცნობილი ქართველი ესწრებოდა.
"ბავშვის დედა კართან მუხლებზე მდგომი დამხვდა, სიტყვებს თავს ვერ უყრიდა" - სცენიდან ომში და ომიდან სამაშველო სამსახურში წასული ბიჭის ამბავი
"ბავშვის ოპერაცია 300 000 ევრო ჯდება და სანამ თანხას არ გადავურიცხავთ, არაფერს უკეთებენ" - პატარა ანიტას დახმარება სჭირდება
