"არა სალომეს" რუსულნომრიანი მანქანით - ფოტო ინაუგურაციაზე მიმავალი ოპოზიციის ესკორტიდან
16 დეკემბერს, პრეზიდენტის ინაუგურაციის პარალელურად საპროტესტო აქციის გასამართად გაერთიანებული ოპოზიცია „ძალა ერთობაშიას“ მხარდამჭერები და გაერთიანების ლიდერები თბილისიდან თელავის მიმართულებით დილიდანვე დაიძრნენ, თუმცა მათი მოძრაობა თელავისკენ გურჯაანის სოფელ ველიცხესთან შეწყდა, რადგან სამართალდამცველებმა მათ გადაადგილების საშუალება არ მისცეს.
თბილისიდან ოპოზიციის წარმომადგენლები რამდენიმე ათეული მანქანით და ასობით მხარდამჭერით გაემართნენ. ავტომობილების ესკორტი გზაზე სიგნალებითა და დროშებით, ასევე საქარე მინაზე გაკრული პლაკატებით - "არა სალომეს", "STOP სალომე" - მიემართებოდა.
"ფეისბუქზე" პოლიტიკური ანალიტიკოსი გია აბაშიძე ავრცელებს ფოტოს, რომელზეც მისი თქმით, ასახულია ერთ-ერთი მანქანა ესკორტიდან, ის რუსულნომრიანია და სალომე ზურაბიშვილის საწინააღმდეგო პლაკატები აქვს გაკრული.
"არა სალომეს! ენმ-ს საპროტესტო მსვლელობა კახეთში... რუსული სანომრე ნიშნით" - წერს აბაშიძე ფოტოზე.
"თქვენ მამა წამართვით და ამას არასდროს გაპატიებთ!" - მოკლული ნოდარ ცხადაძის შვილი ბრალდებულ ბექა კვიციანის მშობლებს მიმართავს
"ტვინის გამომრეცხავი რუსული არხების მაგივრად ჩაგვირთეთ "პალიტრანიუსი" - რას სთხოვს ოქრუაშვილი წულუკიანს ციხიდან
