"მე ვარ ბედნიერი..." - რას წერს ირინკა კავსაძე "ცეკვავენ ვარსკვლავებში" დამარცხების შემდეგ

31 დეკემბერს, ახალი წლის დადგომამდე რამდენიმე საათით ადრე მეგაშოუ "ცეკვავენ ვარსკვლავების" გამარჯვებული გამოვლინდა. მაყურებლის გადაწყვეტილებით, შოუს მერვე სეზონის გამარჯვებული ამიკო ჩოხარაძის და ჯულიანა ბარგნარის წყვილი გახდა. მათი კონკურენტები ფინალში ირინკა კავსაძე და ოთო ფოლადაშვილი იყვნენ და ბევრი სწორედ მათ გამარჯვებას ელოდა.

25 წლის ირინკა კავსაძე ამერიკიდან საქართველოში პროექტში მონაწილეობის მისაღებად ჩამოვიდა. "ცეკვავენ ვარსკვლავებში" მიღებული ემოციების შესახებ მოცეკვავე "ინსტაგრამის" გვერდზე წერს:

"უღრმესი მადლობა ცეკვავენ ვარსკვლავებს და ჩვენს გულშემატკივრებს დაუვიწყარი 4 თვისთვის. მადლობა ჩემს ერთადერთ საოცრებას ოთოს! უშენოდ მე აქამდე ვერ მოვიდოდი! ჩვენს უნიჭიერეს ქორეოგრაფებს მადლობა რომ ამხელა შრომა ჩადეს ჩვენში. ყველა იმ ადამიანს, ვინც პარკეტის მიღმა გაუჩერებლად შრომობდა, რომ სასწაული შოუ გაეკეთებინათ მაყურებლისთვის... მადლობა, მადლობა, მადლობა!

გილოცავ ამიკო! სულ წარმატებული მენახე ჩემო უნიჭიერესო და უსაყვარლესო მეგობარო! ვაფრენ შენზე! ეს პროექტი იყო უდიდესი ბედნიერება და ეს ემოციები სიცოცხლის ბოლომდე გამყვება. მე ვარ ბედნიერი!" - წერს ირინკა კავსაძე.