ფოტოები ქაშუეთდან, სადაც აფეთქების შედეგად გარდაცვლილთა სამოქალაქო პანაშვიდი მიმდინარეობს

თბილისის მერმა კახა კალაძემ დიდ დიღომში მომხდარი აფეთქების შედეგად დაღუპულთა ოჯახის წევრებს ქაშუეთის ტაძარში მიუსამძიმრა. კახა კალაძე ქაშუეთის ტაძარში სამოქალაქო პანაშვიდზე მერის მოადგილე ილია ელოშვილთან ერთად მივიდა.

ქაშუეთის ტაძარში დასვენებულია ნათია ციცვიძე, მისი მცირეწლოვანი შვილი ნიკოლოზი და ნათიას და-ნინო ციცვიძე.

• "დებს მამა ადრე გარდაეცვალათ... ნათია ძალიან გახარებული იყო სახლის რემონტს რომ ასრულებდა, უცებ კი ეს ტრაგედია დატრიალდა"

"ეს არის სულისშემძვრელი ტრაგედია, მინდა მივუსამძიმრო მთელ საქართველოს, მივუსამძიმრო ოჯახს", - განაცხადა ჟურნალისტებთან საუბრისას ქაშვეთის ეკლესიასთან თბილისის მერის მოადგილემ, ილია ელოშვილმა.

16 იანვარს, დიდ დიღომში, საცხოვრებელ კორპუსში მომხდარ აფეთქებას 4 ადამიანი ემსხვერპლა, 8 კი დაშავდა. დაშავებული მცირეწლოვანი ბავშვებიდან ერთი მკურნალობას იაშვილის კლინიკაში ამ დრომდე გადის.

იხილეთ ვიდეო: დიდ დიღომში აფეთების შედეგად დაღუპულები ქაშუეთის ტაძარში გადაასვენეს

ფოტო: გიორგი ჟამერაშვილი