"უკრაინაში უკვე ყველა მცნობს, დიდი სიყვარულით მხვდებიან" - ალექსანდრე ზაზარაშვილი "ვოისის" ფინალში მოხვდა

ალექსანდრე ზაზარაშვილი უკრაინულ "ვოისში" ფინალში მოხვდა. კონკურსანტი ტურიდან ტურამდე ჟიურის წარმომადგენლებსა და მაყურებელს საკუთარი შესაძლებლობით აოცებს. ნიჭიერმა ბიჭმა ერთი ოცნება უკვე აიხდინა - ფინალშია. ახლა მთლიანად კონკურსია მოსაგები. იქნებ ესეც შეძლოს, თუმცა სერიოზული ბარიერი დასაძლევია.

• "ეს იყო საუკეთესო წუთები ჩემს ცხოვრებაში..." - გაიცანით, ქართველი ბიჭუნა უკრაინული "ვოისიდან", რომელიც ინტერნეტვარსკვლავად იქცა

"რინგის ტურზე ყველა მენტორს 12 ბავშვი ჰყავდა. მათგან აწყვილებდა სამ-სამს და ამ სამიდან ერთს ირჩევდა. საბოლოოდ ერთმა მენტორმა 4 ბავშვი აირჩია და ჯამში - პროექტში ვართ 12. ამ შედეგით ნახევარფინალში გადავედი. მიხარია და ისიც, რომ უკრაინაში უკვე ყველა მცნობს, დიდი სითბოთი და სიყვარულით მხვდებიან და მეუბნებიან, რომ მხარს მიჭერენ", - ეს გიორგი ზაზარაშვილმა, ნახევარფინალში მოხვედრის შემდეგ გვითხრა. თუმცა ალექსანდრე გუშინ უკვე ფინალშიც მოხვდა.

ელოდა თუ არა ამ წარმატებას? ამბობს, რომ არ იცის, მან მხოლოდ ის იცოდა, რომ ყველაფერი უნდა გაეკეთებინა, რომ საუკეთესოდ ემღერა. ჰოდა, იმღერა. ფინალში მოხვედრა მისი დიდი ოცნება იყო, რომელიც უკვე აუხდა და ამისთვის ყველაფერი გააკეთა.