ავტორი:

როგორ ცხოვრობენ ჩრდილოეთ კორეელები პანდემიის ფონზე - ფოტოები იდუმალებით მოცული ქვეყნიდან

როგორ ცხოვრობენ ჩრდილოეთ კორეელები პანდემიის ფონზე - ფოტოები იდუმალებით მოცული ქვეყნიდან

ჩრდილოეთ კორეას დასავლეთში საიდუმლოებით მოცულ ქვეყანას უწოდებენ, რადგანაც, უმეტეს შემთხვევაში, ცივილური სამყაროსთვის უცნობი რჩება, თუ რა ხდება რეალურად იქ, როგორ ცხოვრობენ ადამიანები.

აქ ოფიციალურად კორონავირუსის ახალი შტამის არც ერთი შემთხვევა არ დაუდასტურებიათ, თუმცა არსებობს მოსაზრება, რომ რეალურად ყველაფერი სხვაგვარადაა და ქვეყნის ხელისუფლება ინფორმაციას მალავს.

ქვეყანა მკაცრი შეზღუდვებით ცხოვრობს. მოსახლეობა სამედიცინო პირბადეებით გადაადგილდება, სხვადასხვა დაწესებულებაში შესვლისას მათ სხეულის ტემპერატურას უზომავენ. ამასთან, 14 აპრილის შემდეგ გაუჩინარებულია ქვეყნის ლიდერი კიმ ჩენ ინი და მისი ადგილსამყოფელის შესახებ არავინ იცის. თავდაპირველად გავრცელდა ინფორმაცია, რომ დიქტატორს ჯანმრთელობის პრობლემები ჰქონდა, რომ გულის ოპერაცია გაიკეთა და გარდაიცვალა, ერთი ვერსიით ის კომაშია.

ფხენიანში ადამიანები პირბადეებით გადაადგილდებიან - "როიტერსის" ფოტო
"ესოშიეითიდ პრესის" ფოტო ფხენიანიდან, რომელიც 30 აპრილსაა გადაღებული. აღსანიშნავია, რომ ჩრდილოეთ კორეაში ტურისტების შესვლა იანვრის მიწურულს აკრძალეს

აღნიშნული ცნობები ოფიციალურად არავის დაუდასტურებია. მოგვიანებით გავრცელდა ინფორმაცია, რომ კიმ ჩენი ცოცხალია და თავს კარგად გრძნობს, ერთ-ერთი ბოლო ცნობით, რომელიც გამოცემა "გარდიანმა“ გაავრცელა, ქვეყნის ლიდერი სპეციალურად მოწყობილ თავშესაფარშია, რათა კორონავირუსით არ დაინფიცირდეს. ინფორმაცია დადასტურებული არ არის.

იმ პირობებში, როცა ჩრდილოეთ კორეაში შექმნილ მდგომარეობაზე ინფორმაციის დეფიციტია და ზუსტ ცნობებს მსოფლიოს ვერავინ აწვდის, ყველაზე სარწმუნო, ქვეყანაში გადაღებული ფოტოებია, რომლებიც მდგომარეობის სურათს უკეთ გვიხატავენ. სხვადასხვა გამოცემების მიერ გადაღებული ფოტოები Business Insider-მა შეაგროვა.

ფხენიანის სამედიცინო უნივერსიტეტში შესვლამდე სტუდენტებს სიცხეს უზომავენ და ხელების დეზინფექციას უტარებენ. ოფიციალური პირების განცხადებით ქვეყნის 10 000 მოქალაქე და ყველა დიპლომატი კარანტინშია
სამხრეთ კორეიდან ჩრდილოეთ კორეის საზღვარს ადამიანები სპეციალური ხელსაწყებით აკვირდებიან - "როიტერსის" ფოტო
ფხენიანის აეროპორტი 20 თებერვალს, სადაც დეზინფექცია ტარდება - AP-ის ფოტო
ფხენიანის ქარხანა, სადაც თანამშრომლებს სპეციალური ფორმა აცვიათ და პირბადე უკეთიათ - AP-ის ფოტო, რომელიც 24 აპრილსაა გადაღებული
მედდა უხსნის ადამიანებს, თუ როგორ ვრცელდება COVID-19 და რა უნდა გააკეთონ იმისთვის, რომ არ დაინფიცირდნენ - AP-ის ფოტო
ჩრდილოეთ კორეელი სტუდენტები არდადეგების დასრულების შემდეგ უნივერსიტეტში ბრუნდებიან
ჩრდილოეთ კორეის უნივერსიტეტში ლექციებს სტუდენტები პირბადეებით ესწრებიან
სტუდენტები ლექციის დასრულების შემდეგ აუდიტორიას დეზინფექციას უტარებენ -
ეს ფოტო 15 აპრილს, ქვეყნის ყველაზე მნიშვნელოვან დღესასწაულზეა გადაღებული. ამ დღეს კიმ ჩენ ინის ბაბუის დაბადების დღეს აღნიშნავენ. ადამიანებმა მისი ქანდაკება ყვავილებით შეამკეს - AP-ის ფოტო
ფეხით მოსიარულეები ჩრდილოეთ კორეაში
კიმ ჩენ ინი ქვეყანაში შექმნილ მდგომარეობაზე ხელისუფლების წარმომადგენლებს ესაუბრება. ფოტო კიმ ჩენ ინის გაუჩინარებამდე, 11 აპრილს ადგილობრივმა მედიამ გაავრცელა.

იშვიათი შემთხვევა - კიმ ჩენ ინმა სამხრეთ კორეელი ოფიციალური პირის მკვლელობისთვის ბოდიში მოიხადა

ვლადიმერ პუტინი მშვიდობის დარგში ნობელის პრემიაზე წარადგინეს

"მათი სამიზნე რამდენიმე ქვეყანა, მათ შორის საქართველო იყო" - "ფეისბუქმა" რუსეთში შექმნილი ყალბი გვერდები და ანგარიშები წაშალა