ავტორი:

ვინ იყო მამაკაცი, რომელიც ირანში CIA-ის  სასარგებლოდ ჯაშუშობისთვის სიკვდილით დასაჯეს

ვინ იყო მამაკაცი, რომელიც ირანში CIA-ის  სასარგებლოდ ჯაშუშობისთვის სიკვდილით დასაჯეს

ირანში აშშ-ისა და ისრაელის სასარგებლოდ ჯაშუშობაში ბრალდებული მამაკაცი სიკვდილით დასაჯეს. ამის შესახებ ინფორმაციას სააგენტო “როიტერსი“ ირანულ მედიაზე დაყრდნობით ავრცელებს.

საუბარია მაჰმუდ მოსავი მაჯდიზე, რომელიც სირიაში ჯერ კიდევ 2018 წელს დააკავეს. ირანელი ოფიციალური პირების ცნობით, ამერიკელ ჯარისკაცებს ირანელი გენერლის, ყასემ სოლეიმანის ადგილსამყოფელის შესახებ ინფორმაცია სწორედ მან მიაწოდა, თუმცა როგორ მოახერხა ეს, უცნობია.

9 ივნისს ირანის უზენაესი სასამართლოს ოფიციალურმა წარმომადგენელმა განაცხადა, რომ მაჰმუდ მოსავი მაჯდი აშშ-ის ცენტრალურ სადაზვერვო სააგენტოსთან, CIA-სთან და ისრაელის "მოსადთან“ იყო დაკავშირებული.

სასამართლოს წარმომადგენლის განმარტებით, მან ფულადი ანაზღაურება მიიღო ირანის ისლამური რევოლუციური გვარდიის გუშაგთა კორპუსზე ინფორმაციის გადაცემის სანაცვლოდ.

მაჯდი სირიაში თავის ოჯახთან ერთად ცხოვრობდა და როგორც სხვადასხვა გამოცემები წერენ, მას სირიაში ცხოვრების პერიოდში, ურთიერთობა ჰქონდა ირანელ სამხედროებთან და პოლიტიკოსებთან. მათ შორის, გენერალ ყასემ სოლეიმანთან.

არაბულ მედიასა და სოციალურ ქსელებში ვრცელდება ფოტოები და არსებული ინფორმაციით, ერთ ფოტოზე ირანელი სამხედრო პირი ჰამედანი და მაჰმუდ მუსავი მაჯდია აღბეჭდილი. ჰამედანი 2015 წელს სირიაში მოკლეს, მეორე ფოტოზე კი მაჯდი ირანელ გენერალთან ყასემ სოლეიმანთან ერთადაა აღბეჭდილი.

აღსანიშნავია, რომ ამ ფოტოების ავთენტურობა დადასტურებული არ არის.

<blockquote class="twitter-tweet"><p lang="en" dir="ltr">&quot;Mahmoud Mousavi-Majd, one of the spies for CIA &amp; Mossad, has been sentenced to death. He gave the whereabouts of martyr <a href="https://twitter.com/hashtag/Soleimani?src=hash&amp;ref_src=twsrc%5Etfw">#Soleimani</a> to our enemies.”<br><br>This pic purportedly shows him alongside <a href="https://twitter.com/hashtag/IRGC?src=hash&amp;ref_src=twsrc%5Etfw">#IRGC</a> cmdr Hamedani (killed in <a href="https://twitter.com/hashtag/Syria?src=hash&amp;ref_src=twsrc%5Etfw">#Syria</a> in 2015). <a href="https://twitter.com/secondrenaissa1?ref_src=twsrc%5Etfw">@secondrenaissa1</a><a href="https://t.co/gNuBrrnnEb">https://t.co/gNuBrrnnEb</a> <a href="https://t.co/JfodkS0GF4">pic.twitter.com/JfodkS0GF4</a></p>&mdash; Maysam Behravesh (@MaysamBehravesh) <a href="https://twitter.com/MaysamBehravesh/status/1270310450744496129?ref_src=twsrc%5Etfw">June 9, 2020</a></blockquote> <script async src="https://platform.twitter.com/widgets.js" charset="utf-8"></script>

ოფიციალური ცნობებით, მაჯდიმ ირანი თავის ოჯახთან ერთად ჯერ კიდევ ბავშვობაში დატოვა და სირიაში გაიზარდა. ის არასდროს ყოფილა ირანის ისლამური რევოლუციური გვარდიის წევრი. 2018 წელს სირიაში დააკავეს და ჰეზბოლამ ირანს გადასცა.

არაბულ მედიაში წერენ, რომ მაჰმუდ მოსავი მაჯდი CIA-სგან ინფორმაციის სანაცვლოდ ყოველ თვეში 5000 დოლარს იღებდა. სააგენტო Tansim-ის ცნობით, ის ინფორმაციას გასცემდა სირიაში ირანელი ჯარისკაცების შესახებ, თუმცა როგორ ახერხებდა ამას, 2018 წლის შემდეგაც (დაკავების შემდეგ) მედიისთვის უცნობია.

ირანელი გენერალი ყასემ სოლეიმანი, რომელიც ერაყში ამერიკელმა სამხედროებმა მოკლეს

ირანელი გენერალი ყასემ სოლეიმანი ამერიკელმა ჯარისკაცებმა ერაყში, 2020 წლის 3 იანვარს მოკლეს. ამერიკის შეერთებული შტატების ოფიციალური პირები თვლიან, რომ ერაყის ომის დროს ამერიკელი ჯარისკაცების წინააღმდეგ სპეციალურად დამზადებულ ბომბებსა და სხვა საბრძოლო მასალას ISIS-ის მებრძოლებს სოლეიმანის ხელმძღვანელობით აწვდიდნენ. საუბარია იარაღზე, რომელსაც ჯავშნის მიღმა შეღწევა შეეძლო.ოფიციალური ირანი ამ ინფორმაციას კატეგორიულად უარყოფს.

ვინ არის "მაქსიმ პლახოი", რომელმაც უკრაინაში მგზავრებით სავსე ავტობუსი გაიტაცა და რა მოთხოვნები აქვს  - ახალი დეტალები

უკრაინაში უცნობმა პირმა მგზავრებით სავსე ავტობუსი გაიტაცა - ისმოდა სროლის ხმა

"ორგანიზმში ანტისხეულები და T-უჯრედები გამოამუშავა" -   ახალი დეტალები  ოქსფორდში შექმნილ ვაქცინაზე, რომელიც მოხალისეებს უკვე ჩაუტარდა