შვედ წყვილს შვილისთვის "ვლადიმერ პუტინის" დარქმევის უფლება არ მისცეს
შვედეთში მშობლებს შვილისთვის ვლადიმერ პუტინის დარქმევის უფლება ოფიციალურმა პირებმა არ მისცეს. როგორც გერმანული მედიასაშუალებები წერენ, წყვილმა ვერ წარადგინა განსაკუთრებული მიზეზი, რომლის გამოც, აღნიშნული სახელის დარქმევის უფლებას გასცემდნენ.
ქვეყანაში არსებული კანონის მიხედვით, ახალბედა მშობლებმა მიმართეს შესაბამის სახელმწიფო სააგენტოს, რომელმაც უფლება უნდა გასცეს ამა თუ იმ სახელის დარქმევაზე, თუმცა სააგენტომ აღნიშნული უფლება ამ კონკრეტულ შემთხვევაზე არ გასცა.
- შვედეთში არსებული კანონის თანახმად, ამა თუ იმ სახელის შვილისთვის დარქმევაზე მშობლებს შეიძლება უარი ეთქვათ იმ შემთხვევაში, თუ სპეციალური კომისია ჩათვლის, რომ სახელის კონტექსტმა შესაძლოა მომავალში ადამიანს მოუტანოს ზიანი, ან შეუქმნას დისკომფორტი.
აღსანიშნავია, რომ სააგენტოს აქამდეც აუკრძალავს ამა თუ იმ სახელის ბავშვისთვის დარქმევა. მაგალითად, ალაჰი, ფორდი, მაიკლ ჯექსონი და სხვები.
ამ აკრძალვებს მშობლები ყოველთვის არ ემორჩილებიან. 2017 წელს, შვედ წყვილს შვილისთვის მეტალიკას დარქმევა სურდა, თუმცა ოფიციალურმა პირებმა არ მისცეს უფლება, შემდეგ იყო დავა სასამართლოში, დავა მოიგეს და ბავშვს მაინც მეტალიკა დაარქვეს. ასევე იყო შემთხვევა, როდესაც შვედმა მშობლებმა ახალშობილ ბიჭუნას გუგლი დაარქვეს.
წყარო:independent